Waah Kya Judo Karam Hai Shahe Batha Tera

Hadaik e Bakhshish - 1325 hijri

Hissa Awwal

Hassanul Hind Sayyedna Aala Hazrat

Imam Ahmed Raza 

Qadri Bariellavi Radi Allahu taala anha

Zariyaye Qadriya

1305 hijri

Alhamdu Lillahe Rabbil aalameen wassalto wassalamu ala sayyedil aalimeen wa aalehi wabnihi wa hizbihi ajmayeen

Wasl Awwal dar Naat-e-Akram Huzur Sayyedna Aalam ﷺ

Bismillahir rahman nir raheem

Wah Kya Judo Karam Hain Shahe Bat-Ha Tera

Wah Kya Judo Karam Hain Shahe Bat-Ha Tera

Nahi Sunta Hi Nahi Maangne Waala Tera

Dhaare Chalte Hain Ataa Ke Wo Hain Qatra Tera

Tare Khilte Hain Sakhaa Ke Wo Hain Zar-ra Tera

Faiz Hain Ya Shahe Tasneem Nirala Tera

Aap Pyaso Ke Tajas-sus Me Hain Dariya Tera

 

Agniya Palte Hain Dar Se Wo Hain Baada Tera

Asfiya Chalte Hain Sar Se Wo Hain Rasta Tera

Farsh Waale Teri Shaukat Ka Uloo Kya Jaane

Khusrava Arsh Pe Udta Hain Pharera Tera

Aasmaan Khwan, Zameen Khwan Zamana Mehmaan

Sahibe Khana Laqab Kis ka Hain Tera Tera

Main To Maalik Hi Kahunga Ke Ho Maalik ke Habeeb

Ya’ani Mehboobo Muhib Me Nahi Mera Tera

Tere Qadmo Me Jo Hain Gair Ka Muh Kya Dekhe

Kaun Nazro Pe Chadhe Dekh Ke Talwa Tera

Bahre Sa-il Ka Hu Sa-il Na Kuwe Ka Pyasa

Khud Bujha Jaye Kaleja Mera Chheenta Tera

Chor Haakim Se Chupa Karte Hain Ya Uske Khilaf

Tere Daaman Me Chupe Chor Anokha Tera

Aankhein Thandi Ho Jigar Taze Ho Jaan-E-Sairaab

Sachhe Suraj Wo Dil-Aara Hai Ujala Tera

Dil abaz khauf se patta sa uda jata hai

Palla halka sahi bhari hai bharosa tera 

Aik Main Kya Mere Isyaan Ki Haqeeqat Kitni

Mujhse Sau Laakh Ko Kaafi Hain Ishara Tera

Muft Paala Tha Kabhi Kaam Ki Aadat Na Padi

Ab Amal Poochte Hain Haaye Nikamma Tera

Tere Tukdo Se Pale Ghair Ki Thokar Pe Na Daal

Jhidkiya Khaaye Kaha Chhod Ke Sadqa Tera

Khwar o Bimar o Khatavar o Gunehgaar Hu Main

Rafe’ao Nafe’ao Shafe’a Lakab Aaqa Tera

Meri Taqdeer Buri Ho To Bhali Karde Ki Hain

Mahwo Isbaat Ke Daftar Me Kadoda Tera

Tu Jo Chahe To Abhi Mayl Mere Dil Ke Dhule

Ke Khuda Dil Nahi Karta Kabhi Mayla Tera

Kiska Muh Takiye Kaha Jaiye Kis Se Kahiye

Tere Hi Qadmo  Pe Mitt Jaye Yeh Paala Tera

Tu Ne Islam Diya Tu Ne Jama’at Me Liya

Tu Kareem Ab Koi Phirta Hain Atiyya Tera

Maut Sunta  Hu Sitam Talkh Hain Zahraaba-e Naab

Kaun Laa De Mujhe Talwo Ka Ghusala Tera

Daur Kya Janiye Bad-kaar Pe Kaisi Guzrey

Tere Hi Dar Pe Mare Be-kas o Tanha Tera

Tere Sadqe Mujhe Ik Boond Bohat Hain Teri

Jis Din Achho Ko Mila Jam Chalakta Tera

Haram-O-Taibah Wa Baghdad Jidhar Kije Nigah

Jot Padti Hain Teri Noor Hain Chhinta Tera

Teri Sarkaar Me Laata Hain Raza Usko Shafe’a

Jo Mera Ghous Hain Aur Laadla Beta Tera